激光脫毛度度都一樣? Lumiere / Dream Beauty Pro/ Devon/ Beauskin/ APlus 有咩分別?
【激光脫毛效果度度都差唔多?】
如果有廣告標明一折可以買到 iPhone，你會唔會信？咁如果有人話一折可以享受NO.1脫毛科技，你又會唔會懷疑？有人話激光脫毛間間都差唔多，個個都標榜自己係「 NO. 1 激光脫毛科技」，但價錢卻比大品牌平一大截，睇上去好似好吸引，但實際上呢啲「平價 NO. 1 科技」脫毛品牌所用嘅儀器，又是否真的跟的脫毛效果完全大品牌一樣呢？「有質素」同「平」兩者真係可以並存？相信好多人同我一樣好想知，所以我做了少少網上搜查，即管同大家分享一下。
點先算係「NO. 1 激光脫毛科技」 ?
廣告上好多聲稱自己有「NO. 1 激光脫毛科技」，咁我呢啲精明消費者一定會同大家睇真啲「NO. 1 激光脫毛科技」呢樣野有無憑據先，因為呢個都影響脫毛效果同牽涉到保障消費者嘅「商品說明條例」同埋一間公司嘅誠信。
根據網上揾到嘅資料，話自己有「NO. 1 激光脫毛科技」嘅公司，普遍聲稱係用Candela 755nm的脫毛儀器，而從網上Candela嘅官方資料顯示，真正稱得上是「NO. 1 激光脫毛科技」的儀器正名叫「PRO-U 24mm LASER TECHNOLOGY」。而官網指出，比起以前舊model Gentlelase PRO 或 Gentlelase PRO LE，最新型號的PRO-U 24mm 在脫毛效果方面，更加做到徹底清除毛髮，呢部機有以下四大特點 :
- 755nm激光波長
- 24mm放射機頭 - 喺2018年係全球最大，而機頭越大，覆蓋範圍就更廣，能量可以打得越深入，所以脫毛就更加徹底
- 0.25ms最短激光脈衝 - 數字越細代表左能量越大、脫毛越乾淨，比一般只得3ms嘅儀器快12倍
- 專利降溫系統PRO-U EPID-COOLING SYSTEM - 原來最新嘅儀器已經唔洗再敷冰同埋凍Gel 做降溫，因為咁樣會降低毛囊溫度，大幅減弱脫毛效果。
HK01都曾經報導，話如果要做到「永久脫毛」，都要認住呢「4大元素」，因為呢個先係「永久脫毛」嘅黃金組合！擁有呢4個脫毛科技就等於擁有「NO. 1 激光脫毛科技」，似乎呢4大元素，係缺一不可呢！
HK01的報導 如果用番頭先嘅例子，PRO-U 24mm LASER TECHNOLOGY 就好比最新型號的iPhone X，而 Gentlelase PRO 或 Gentlelase PRO LE 就好似其他低一等嘅 iPhone 型號，咁係咪易明啲?
「平價用靚機」是如何煉成?
圖片來源: http://www.hairremovaldictionary.com/
「平價用靚機」到底有咩問題呢？答案：如果用「足料」就無問題，但係「一分錢一分貨」同「將價就貨」是做生意嘅常識吧。激光脫毛時用的冷凍劑Cryogen 成本其實係十分之高 (見上圖)，所以平價脫毛公司會用少啲Cryogen 份量去控制成本，令消費者得了「平價」，卻失去「脫毛效果」！睇完下面「平價用靚機」嘅回本方程式，就更加應該一清二楚了
"我就係受害人，以平價吸引你入嚟，做時不停係你身邊 sell 各項療程，美容師 sell 完又有個高級sell你"
“俾藉口又話療程太平，美容師出唔到糧，電腦出唔到單等等，夾硬屈你每一個療程每一次加$100+，即要補成$4000”
"廣告 $1888去眼袋, 10次療程
點知上去到, 佢話我面部皮膚有D鬆, 就咁1888一定唔得
整左個10萬蚊既療程比我"
"但我照左鏡好多次，冇一個朋友話我有改善到!"
“以90多元試做面部護膚療程，期間認為服務不錯，故以7000元購買30次面部療程。”
“遭美容師疲勞式轟炸，推銷購買去斑、脫毛及試做去疣療程，並要求事主考慮，但不安排美容師為她完成正進行的療程，最終梁小姐無奈支付5.2萬的費用。”
所以到最後，煉成「平價用靚機」而公司又可以生存到嘅方法就係：不停Sell其他Treatment比客人，避免蝕做。呢啲公司嘅服務態度未必會差，相反，態度可能唔錯，因為只要客人一日會返去做Treatment，一日都會有機會Sell多幾套 Treatment 去回本。
其實如果Treatment效果好的話，買多啲未必係壞事，但聽身邊一位絲打講，有啲公司會喺 Free trail 較低激光能量去做脫毛，咁樣就算用少咗冷凍劑都唔易受傷，就算治療師做療程前畀個絲打睇咗佢點Set度數，佢都未必信，因為做療程時要戴上眼罩，到時先將有能量調低，客人都未必會figure out到。咁呢啲純粹係絲打嘅分享，並無證據，大家只可以當參考。不過如果做咗十幾次都未做到徹底清除毛髮嘅效果，都值得留意一下啦。
既然推廣「平價而又用靚機」係咁不合情理，為了避免平價陷阱，最好都係揀一間有誠信嘅脫毛公司，用貨真價實嘅「NO. 1 激光脫毛科技」就一定有質素，仲安全和有信心保證添。
伸延閱讀
留言列表
